Vel að verki staðið

Fjölnir var snöggur að hugsa við þessar alvarlegu aðstæður.   

Þetta hefur verið gríðarlegt sjokk fyrir bæði hesta og knapa.  Gott að þarna var maður sem tók til sinna ráða.  

"Þá sagði kærastan mín: Þú verður að gera eitthvað í þessu"  er haft eftir Fjölni.  Gott hjá kærustunni að hvetja sinn mann til dáða. 

Svo sannarlega vel að verki staðið.

„Einn í einu“

Konur, konur

Já,  vilja þær konur, þær Guðrún María Óskarsdóttir og Ásgerður Jóna Flosadóttir.  Það er bara ekki sama kona og kona. 

Margrét Sverrisdóttir bauð sig fram til forystu í þessum ágæta flokki en þessar sömu konur höfðu ekki áhuga á hennar starfskröftum ef mér skjátlast ekki.  

Þó má með sanni segja að Margrét sé sérstaklega frambærileg og hæf kona, vel menntuð, vel máli farin og glögg.  Hún átti sannarlega að fá tækifæri til að "sanna sig í starfi og berjast .." 

Vilja í forystu Frjálslynda flokksins

Komið að take-off- inu

Þá er ný stjórn að hefja sig til flugs.  Fyrsta freyja er Jóhanna Sig.  Flogið verður í svimandi hæð.  Veðurútlit á leiðinni er slæmt og mikil ókyrrð.  Vinsamlegast spennið sætisólar og athugið að hafa hægt um ykkur.  Veitingar verða bornar fram, skuldasúpa. 

Þó ég sjái eiginlega engan tilgang með þessari breytingu þegar svo stutt er í kosningar, verður maður bara að vona að þetta verði ekki verra en það sem við höfðum.  Mér hefði fundist miklu eðlilegra að spara sér þetta "vesen". 

Vonandi tekur Ögmundur,  hinn nýi ráðherra heilbrigðismála til sinna ráða gagnvart St. Jósefsspítala.  Þá er a.m.k. eitt gott komið út úr þessum skiptum.

Góða ferð, gott fólk

Tíu ráðherrar í nýrri stjórn

Ljót framkoma

Einhvern veginn hafði ég skilið það svo að stjórnvöldum væri í mun að halda sem flestum í vinnu.  Það væri til hagsbóta fyrir heildina.  Ekki gott að setja sem flesta á atvinnuleysisbætur.  Ekki mikið pengingaflæði sem kemur út úr slíkum ráðstöfunum.  

Langtíma atvinnuleysi er engum manni hollt. Hvorki fyrir heilsu, andlega og líkamlega.  Og fjárhagslegt öryggi er í molum. 

En þessu er ekki svo varið. Það er sagt upp í löngum röðum vinnufæru fólki.  Og margir eiga yfir höfði sér að missa vinnuna.  Búa við kvíða.

Er ekki hugsa til lengri tíma?  Afleiðingar atvinnuleysis og hvað það kostar?

Óskiljanleg harka Landspítala

Kaldur kveðjukoss

Þá eru þau skilin að skiptum Geir og Ingibjörg Sólrún.  Undarleg voru skilnaðarefnin.  Forsætisráðherraembættið/verkstjóri var krafa Samfylkingar.  Ekki hægt að láta undan í því.  Þetta lyktar af tækifærismennsku.  Og fáránleika.  Til hvers að skipta um menn í stjórn þegar 100 dagar eru í kosningar? Nýir ráðherrarnir verða  varla búnir að ná áttum þegar  efnt  verður til kosninga.  En menn hafa náð þeirri prýðisgóðu aðstöðu að fá ráðherralaun í 3 mánuði og vinna sér  inn lífeyrisréttindi.  Sem sagt þetta kostar þjóðarbúið.  Hvar eru nú búhyggindi ISG? Mitt mat er að þetta sé hreint bruðl.  Enda ólíklegt að ný stjórn geri mikið af viti á þessum dögum til kosninga.  Hvers vegna í ósköpunum lá svona á? 

Quo usque tandem abutere, Catilina, patientia nostra

 

Hörður maður ársins?

Þarf eitthvað að ræða þetta?

„Ekki farin að finna til með honum ennþá“

Ofvaxnar byggingar á viðkvæmum stöðum

Mikið tek ég undir með  stjórnum Íbúasamtaka Vesturbæjar og Íbúasamtaka Miðborgar.  Til þess eru vítin að varast þau eins og bent er á í fréttinni:   Til staðar eru  víti til varnaðar þar sem eru háhýsi í Skugganum við Skúlagötu og háhýsi við Höfðatún sem ekki einungis treður á nánasta umhverfi sínu heldur skyggir líka á sjálfan Sjómannskólann og innsiglingavita hafnarinnar þar með. 

Það er ótrúlegt að vera vitni að öllum þeim hörmulegu byggingaframkvæmdum sem upp hafa komist á undanförnum árum.  Nefna má íþróttamannvirki, sem byggt var við húsvegginn á hesthúsum í Heimsenda.  Kópavogsklúður.  Eitt af mörgum. 

Sannarlega kominn timi til að hlusta á athugasemdir íbúa og taka tillit til þeirra. 

Skipulagsslys á Slippareit

Leiðinlegt orðaval

Heimurinn batnar ekki við bölv og ragn.  Ástandið á Alþingi verður ekki betra við orðaval sem þetta hjá Helgu Sigrúnu Harðardóttur.  Og ekkert gott fæst með ljótu orðbragði svona yfirleitt.  Við viljum líka að börnin okkar já og barnabörnin læri að tjá skoðanir sínar á skýran, skilmerkilegan og kurteislegan hátt.  Ekki svona.  Ef til vill þarf konan að læra reiðistjórnun.  Eða eitthvað svoleiðis.

Helvítis lyddugangur

Réttritun

Draga, dró, drógum, dregið.

Dróg sig til baka úr ritaraslagnum

Með reistan makka

Þá eru hestarnir komnir á hús.  Fyrstur kom Flóki, á þriðjudaginn og síðan hinir á föstudag.  Mikil er gleðin og ánægjan með endurfundina.  Þessir brúneygðu, fallegu fákar eru sannkallaðir gleðigjafar.  Þeir eru svo ótrúlega ólíkir persónuleikar.  Það er gaman að fylgjast með hegðun þeirra í gerðinu og síðan þegar þeir eru komnir á sinn stað í hesthúsinu. 

Flóki, sem er þriggja vetra, verður fjögra vetra í vor, er sonur Áls frá Byrgisskarði og Þyrlu frá Röðli.  Hann hefur alist upp í sinni fæðingarsveit.  Fór sem sagt í fyrsta sinn að heiman í vikunni til þess að hitta eiganda sinn og vera í hesthúsinu með "bræðrum sínum".  Hann hef ég átt frá því hann var folald en hann er fæddur bóndanum á Röðli í Húnavatnssýslu.

Flóki stóð með reistan makka í gerðinu og skoðaði umhverfið.  Öruggur með sig og yfirvegaður.  Mér þótti merkilegt að sjá hve rólegur þessi nánast ótamdi hestur er.  Bóndinn á Röðli hefur vissulega farið um hann nærfærnum höndum og kennt honum undirstöðuatriði almennra kurteisissiða hesta.  Það skilar sér nú.  Hann leyfði mér að setja á sig stallmúl án nokkurs hiks og sýndi mér þolinmæði.  Ég er ansans klaufi að koma stallmúl á hest.  Spyrjið þið hestana mína!

Nú er framundan dýralæknisskoðun, ormalyfjagjöf, skaufahreinsun, raspa tennur,  síðan járningar og þá útreiðar og þjálfun.  Hey er nóg í hlöðunni, spænir og fata með vítamínum og steinefnum.  Tunna fyrir vatn til að hafa í gerðinu en það á eftir að kaupa saltstein.  Hvítan.

Flóki á að fara í tamningu en ég bíð eftir svari varðandi hvenær tamningamaðurinn  getur tekið hann.

 

 

 

 

 

 

 

Við hesthúsið í skini sólar.