Grisjað í garðinum

Við hjónin skruppum út í garð í dag og tókum til hendi svona smávegis.

Þessar stafafurur hafa stækkað á alla vegu og  orðið skuggsýnt á torginu fyrir framan húsið.  Við ákváðum að fjarlægja þessa hríslur.

Þegar hér er komið sögu hefur safnast upp nokkur hrúga.  Og enn er haldið áfram að klippa:

Þetta afrek var reyndar ekki okkar verk heldur komu hér tveir ungir og sterkir menn frá Garðlist og unnu þetta verk fljótt og vel.  Gengu vel frá og tóku allan viðinn með sér og sópuðu vel og vandlega.

Og nú  er bjart og sólríkt á torginu  og verður unaðslegt að geta aftur setið þar með tebollann í góðu veðri.

Athugasemdir

[Sigurður Þórðarson, 29.9.2009 kl. 04:51]

Frábær auglýsing fyrir Garðlist. Nú er kominn sá tími að veðrið fer að vera rysjótt en næsta vor ætti að vera hægt að leggja á ráðin í notalegheitum og nægt súrefni í lungunum. Til hamingju með þetta framtak.

[Auður Matthíasdóttir, 29.9.2009 kl. 19:05]

Já satt er það.  Mennirnir unnu vel og það er ágætt að hrósa þvi sem vel er gert!  Þetta er gríðarlegur munur.  Birti yfir öllu í garðinum!  Og nú verður sannarlega lagt á ráðin!  Takk!