Hyski

 

Svokallaðir mótmælendur fóru offari við Hótel Borg.  Höfðu af okkur kryddsíldina.  Og slösuðu lögreglumann við störf.  Og starfsmann 365 við störf.  Hvað hafa þeir menn gert þessu fólki? 

Það á að taka harðar á þessu pakki, sem hylur andlit sitt og tekur með sér vopn til að "mótmæla".   Mér er ómögulegt að líta á þetta fólk nema sem leiðindalýð, sem er hættulegur almenningi.

Hörður Torfa getur ekki fordæmt þessar "aðgerðir", skilst mér.  Hann ætti að fara í hugleiðslu.  Heldur hann, að okkur, sem ekki þykir þessi framkoma í lagi, sé slétt sama um hvernig ástandið er og að við  bara gleymum og horfum framhjá svikum og glæpsamlegum gjörðum þeirra sem réðu ferð?  Auðvitað ekki.  Hins vegar er ekki hægt að láta viðgangast að glæpapakk fái útrás fyrir sínar andstyggilegu hneigðir í nafni móttmæla.

Forsetinn ávarpaði okkur þjóðina og mér líkað vel það, sem hann sagði.  Og við getum öll dregið lærdóm af þeim mistökum sem urðu á líðnum árum.  Mér finnst t.d. ennþá erfitt að sætta mig við að þjóðin skuli þurfa að blæða fyrir Icesave ruglið.  Bankarnir voru seldir.  Nýju eigendurnir fóru ekki leynt með þörf sína að græða.  Og þeir gerðu það svo sannarlega, alveg baki brotnu.  Og borguðu sér gríðarleg laun, sem mig sundlaði við að lesa um.  Og þegar þessir einkabankar fara yfir um þá erum við sett í skuldasúpuna.  Sumir tala um óheyrileg kaup á flatskjám.  Hmm Hvað varð eiginlega um nefndina, sem átti að skoða lög og reglugerðir um umsvif bankana á erlendri grund?  Átti að koma með tillögur skilst mér. Hvaða fólk skipaði þessa nefnd?  Og hvar var yfirsýn  ofurstarfskraftana, þessara með ofurlaunin?  Já það eru margar spurningar sem bíða svars. 

 

Megi þetta blessað ár 2009 verða okkur öllum gæfuríkt.  Lífið heldur áfram og við vitum, að sennilega eru allir Íslendingar fegnir að vera lausir við græðgiskapphlaupið.  Við þurfum að ræða saman og fá að skoða í allar ormagryfjurnar, stórar sem smáar.  Hreinsa þar út og fá nýtt og hreint svæði til að vinna á.  Og efla liðsandann, vera heiðarleg og tilbúin að vinna saman.

Skaupið var skemmtilegt!

Athugasemdir

[Anna Guðný , 1.1.2009 kl. 20:52]

Fyndið , ég hefi nánst getað copy/paste. Svo sammála er ég öllu sem þú skrifar.

Nema kannski að ég hefði trúlega ekki horft á Kryddsíldina

Ég meira að segja keypti mér flatskjá

[Jóhannes Ragnarsson, 1.1.2009 kl. 21:31]

Mér sýnist á öllu að það séu einhverjir aðrir en Hörður Torfa sem ættu endilega að splæsa á sig hugleiðslu, einkum þeir sem haldnir eru tvískinningsgsrugli.

Það fólk sem þú kallar ,,mótmælendur" af megnustu fyrirlitningu er ekki hættulegt almennigi, það er sannarlega fyrst og fremst hluti af þeim hópi manna, sem í daglegu tali er kallað almenningur.

Hinsvegar hefur valdastéttin á Íslandi sannað að hún er almenningi hættuleg. Stórhættueg. Og við skulum líka halda því til haga, að eigandi Stöðvar 2 heitir Jón Ásgeir Jóhannesson og telst í flokki með allra hættulegustu mönnum landsins.

[Matti (IP-tala skráð) 7.1.2009 kl. 20:51]

Ég viðurkenni ég hef gaman þessum mótmælum, einhver verður að láta heyra í sér. En þetta er varla "almenningur" þessir "mótmælendur" því ef það sem Auður kallar mótmælendur væru jafn margir og almenningur og væri búið að kasta nokkuð fleiri múrsteinum og brjóta fleiri glugga og æsingurinn væri tölvert meiri reikna ég með. Þetta er lítill hópur mótmælandi sem hefur margt til síns máls.