Allir komu þeir aftur og forsetinn fellur í eigin gryfju

Þá eru allir hestanir mættir í húsið.

Það er merkilegt en maður fann mun á andrúmsloftinu þegar sá fimmti skilaði sér.

Sá var í tamningu í sveitinni og kom seinna en hinir.

Nú eru þeir sáttir.  Allir eru mættir.

Það ríkir ró og friður.  Sáttir bræður saman á ný.

Ekki eingöngu skyldleiki tengir hesta saman heldur líka samveran í húsi og í haga árum saman.

Það eru margar hliðar á hestamennsku.  Að fylgjast með atferli hrossa er ein og ekki sú sísta.

Að öðru:

Óskaplega höfum við valið okkur mikla dramadrottningu fyrir forseta.

Athyglissjúkur maður sem hefur lítinn hluta þjóðarinnar að baki sér en finnst sjálfsagt að láta "ljós" sitt skína  þegar það á alls ekki við. 

Forseti er ekki kosinn til að taka fram fyrir hendurnar á Alþingi.

Ekki er ég hrifin af Icesafe málinu og afgreiðslu þess frekar en svo margir aðrir landar mínir.

Hitt er svo annað mál að ég tel ekki rétt að forseti landsins taki sér einræðisvald eins og nú hefur gerst.

Það er væmin lykt af þessu verki hans.

Kannski fnykur undan feldi en þar dvaldi hann heimskulega lengi.