Velferðarnefnd eða hvað?

Sennilega fer ég ég ekki rétt með með nafnið á nefndinni en í það minnsta á  þessi nefnd að benda á úrbætur þar sem velferðarkerfið hefur brugðist.  Eða það held ég .  Nefndin hefur starfað í rúmlega ár.  Starfað?  Formaður nefndarinnar er kerling sem heitir Lára Björnsdóttir.   Hún vaknaði nýlega og sagði si sona:  Biðraðir eftir matargjöfum eru niðurlægjandi fyrir þá sem þar standa.  Og sofnaði svo aftur.  Því það er hentugast að sofa af sér óþægindin meðan Flokkurinn hennar og  sankti  Jóhannu eru við völd.

Í ráðuneyti félagsmála eru ráðnar kerlingar sem hafa misst völd eða starf eða bara vilja fá eitthvað.   Ekki málið.  Við finnum eitthvað fyrir þig....

Eins er með menn eins og Einar Karl Haraldsson sem hreinlega hefur verið til skemmtunar þegar fylgst hefur verið með örvæntingarfullri leit samfó fólks að starfi fyrir þann mann.  Auðvitað verður blessaður maðurinn að hafa a.m.k. létt yfir 700. þús. krónum á mán 

Ekki er traustvekjandi að líta yfir þennan völl.

Kratar hafa löngum verið fyrir sig og sína.

 

Vilhjálmur og verðlaunin

Eftirfarandi er tekið af síðunni : http://malbein.net/    Gísli Ásgeirsson hefur orðið:

Vegna stefnu Pálma í Fons gegn Svavari Halldórssyni fréttamanni RÚV geri ég hér með orð Svavars (fréttatexta) að mínum og hvet alla til að birta eftirfarandi fréttir:

Frétt 1:

Pálmi Haraldsson notaði skuldaviðurkenningu frá Baugi sem veð þegar hann fékk tveggja og hálfs milljarða króna lán frá Glitni rétt fyrir hrun. Baugur og eigendur hans voru ráðandi hluthafar í Glitni og viðskiptafélagar Pálma. Bankinn hefur ekkert fengið greitt og peningarnir eru týndir.

Pálmi Haraldsson í Fons kom víða við í góðærinu. Hann átti Iceland Express, Skeljung, Securitas, flugfélagið Sterling og hluti í FL Group og bresku verslunarkeðjunni Iceland. Meðal helstu viðskiptafélaga hans var Jón Ásgeir Jóhannesson.
Hann átti meðal annars Gaum og réði ríkjum í Glitni.
Fons, félag Pálma, átti hlutabréf í Högum og Debenhams sem Pálmi seldi félaga sínum Jóni Ásgeiri í Baugi, snemma árs 2007. Á móti fékk Pálmi skuldabréf á Baug. Allir pappírar virðast hafa verið útbúnir í samræmi við lög og reglur. Pálmi fór með skuldabréfið í Glitni og lagði það að veði fyrir tveggja og hálfs milljarða króna láni sem hann fékk greitt út í peningum. Á þeim tíma var Baugur Jóns Ásgeirs í miklum vanskilum við Glitni Jóns Ásgeirs, en skuldabréfið þótti samt sem áður fullnægjandi trygging. Hlutabréfin hurfu síðar úr Baugi yfir í önnur félög Jóns Ásgeirs en allir gjalddagar voru framlengdir inn í framtíðina. Félögin þrjú í þessari fléttu fóru öll á hausinn eitt af öðru, Glitnir, Baugur og Fons. Þessa sögu má lesa úr lánasamningum, viðaukum og allskyns skjölum sem fréttastofa hefur undir höndum.
Allar skuldaviðurkenningar liggja ógreiddar í búum hinna gjaldþrota fyrirtækja. Einu alvöru peningarnir í þessum viðskiptum voru 2500 milljónir króna, sem fóru úr Glitni og í hendur Pálma Haraldssonar, en þeir peningar finnast hins vegar hvergi.

Frétt 2:

Ekki verður hægt að ganga að Pálma Haraldssyni vegna gjaldþrots Fons, þar sem hann er ekki í persónulegum ábyrgðum. Kröfur í þrotabú félagsins nema 38 milljörðum króna og ljóst að stór hluti tapast. Pálmi segist geta gert grein fyrir því hvað varð um tveggja og hálfs milljarðs króna ógreitt lán frá Glitni.

Fréttastofa sagði frá því gær að 2.500 milljónir króna sem Pálmi Haraldsson fékk lánaðar hjá Glitni fyrir hrun virðast gufaðar upp í flókinni viðskiptafléttu. Lögmaður Pálma hefur hótað fréttamanni málsókn, verði fréttin ekki dregin til baka og beðist afsökunar. Pálmi segir að féð hafi verið notað til að greiða lán Fons hjá Landsbankanum og kaup á sjóðsbréfum Glitnis og hefur látið fréttastofu í té færslunúmer þessu til sönnunar. Ómögulegt er hins vegar út frá þeim að staðfesta orð Pálma. Fréttastofa hafði í gær eftir heimildarmönnum, sem hún metur áreiðanlega, að féð virðist hafa horfið og finnist ekki í þrotabúi Fons.

Þeir hafa staðfest það aftur í dag. Lánið hefur aldrei verið borgað. Af frétt gærdagsins hefði mátt skilja að Pálmi hafi sjálfur tekið umrætt 2.500 milljóna lán persónulega, en ekki eignarhaldsfélag hans, Fons, sem nú er í skiptameðferð. Hér með er áréttað að Fons tók lánið, en Pálmi var þar aðaleigandi, annar tveggja prókúruhafa og einn skráður í framkvæmdastjórn, samkvæmt fyrirtækjaskrá.
Kröfur í þrotabú Fons nema um 38 milljörðum króna og ólíklegt að nokkuð fáist upp í almennar kröfur.
Pálmi Haraldsson var hins vegar ekki í neinum persónulegum ábyrgðum og því fellur ekki blettur á hans kennitölu við gjaldþrot Fons. Hann á enn miklar eignir víða um lönd í gegnum önnur félög sín.
Fyrirtækjaveldi Pálma virðist hafa fengið góða fyrirgreiðslu hjá Glitni fyrir hrun. Fréttastofa hefur undir höndum gögn um fjögur lán sem tekin voru frá því í desember 2007 og fram á mitt ár 2008.
Samanlögð upphæð þeirra nemur um 22 milljörðum króna. Þrotabú Glitnis gerir tæplega 24 milljarða króna kröfu í þrotabú Fons og fyrirséð er að það muni taka milljarðaskell. Títtrætt 2.500 milljóna lán hefur aldrei verið greitt og féð finnst ekki í þrotabúi Fons.

Frétt 3:

Eignarhaldsfélaginu Sundi var tryggt með leynisamningi við Baug að það gæti losað sig við fimmtungs hlut sinn í Northen Travel Holding á hærra verði en hann var keyptur. Að auki fékk Sund sérstaka þóknun fyrir viðvikið, samtals 475 milljónir króna.

Í desember 2006 seldi FL-Group lággjaldaflugfélagið Sterling fyrir 20 milljarða inn í nýtt félag, Northern Travel Holding. Það var í eigu stórra hluthafa Glitnis, seljandans FL, og Fons Pálma Haraldssonar og síðan Sunds, sem var í eigu fjölskyldu Óla heitins í Olís. Hið síðastnefnda lagði til 2500 milljónir og eignaðist um 22% í nýja félaginu. Baugur, Jóns Ásgeirs Jóhannessonar, skuldbatt sig jafnframt til að kaupa aftur bréfin af Sundi, samkvæmt leynilegum baksamningi. Fons stofnaði svo nýtt félag 2008, M21 sem fékk lán hjá Glitni til að kaupa Sunds-bréfin, fyrir 2750 milljónir. Hlutabréfin sjálf voru látin duga sem veð og lánið er enn ógreitt. Sund fékk að auki sérstaka 222 milljóna króna þóknun fyrir ómakið. Mál þetta er til rannsóknar hjá yfirvöldum. Fons bólgnaði út og greiddi eigendum sínum rúma fjóra milljarða í arð, en Fons, Northern Travel Holdins, Baugur og Glitnir eru nú öll farin á hausinn. Skiptastjóra Fons hefur tekist að rekja slóð milljarðanna fjögurra til Lúxemborgar, en síðan ekki söguna meir. Um þá snýst eitt fjölmargra riftunarmála sem hann hefur höfðað. Þetta má allt saman lesa út úr skýrslu endurskoðenda, leynisamningnum sjálfum, lánasamningum og fleiri skjölum. Allt var þetta hluti mikillar viðskiptafléttu þar sem Sterling flugfélagið gekk ítrekað kaupum og sölu, og allir virðast hafa grætt, ja nema Glitnir.

Eftirmáli, þulur les: Ekki náðist í Pálma Haraldsson við vinnslu þessarar fréttar og Jón Ásgeir Jóhannesson vildi lítið tjá sig um málið.”

Birt: 10. apríl, 2010 í Fjölmiðlar.
Athugasemdir: Segðu

Hvar var Svavar?

Þegar Vilhjálmur Bjarnason gerði það í gærkvöldi sem marga hefur langað að gera, en ekki látið verða af, vantaði aðeins eitt til að fullkomna þessa sérkennilegu verðlaunaveitingu fyrir sigur í Útsvarinu. Gjafabréfið frá Iceland Express afhenti nefnilega Sigmar Guðmundsson sem opnaði sig í DV nýlega um hórerí á annarri sjónvarpsstöð. En slíkt fyrirfinnst auðvitað ekki á RÚV, nema kannski á Rás 2.

Þarna hefði starfsfélagi hans, Svavar Halldórsson, átt að vera viðstaddur, helst afhenda gjafabréfið frá manninum sem hefur kært hann, til að fullkomna fáránleikann.

Eldsneyti hækkar um 3-4 krónur

Eldsneytið er orðið fáránlega hátt á landinu.   Ekki er  hægt að líða það lengur að álögur ríkisins séu ekki lækkaðar.  

Nú er hafinn söngur um veggjöld. 

Hvert í ósköpunum fara þau gjöld sem lögð eru á bifreiðar?  Til úrbóta á vegum þessa lands? 

Og hvert  munu veggjöldin umræddu renna?  Áformað er að endurgreiða lífeyrissjóðum útlagðan kostnað.

En enginn veit hvort þessar summur enda þar sem  nú sagt til um.

Það þarf að vera gagnsæi í þessum hlutum öllum. 

Hvernig eru álögur og gjöld notuð í  lýðveldinu?

Hvað verður um útvarpsgjöldin? 

Framkvæmdasjóð aldraðra?

Svo einhverjar álögur séu nefndar hér, sem virðast fremur óljósar þegar kemur til úthlutunar fjárins.

Hús, híbýli og hár.

Undanfarnar vikur hefur veið unnið hörðum höndum við að breyta/umbylta baðherbergi á heimilinu.  Upphaflega var sturtan orðin ónýt.  Og þetta vatt upp á sig .  Og endaði með að allt var tekið, baðkar, sturta, flísar, klósett og vaskar.

Gríðarleg vinna og ótrúlegt ryk sem lá yfir öllu innanhúss og sást varla handa skil.

Iðnaðarmenn komu að verkinu. Fagmenn, sem unnu vel og voru vandvirkir.

Nú er verkinu lokið.  Við fórum á skírdag í Sorpu með hauga af brotum.  Fjórar ferðir.  Tvær í  nýju Sorpu í Hafnarfirði.  Þar er alveg sérstaklega góð aðstaða og þægileg.  Tvær í Kópavog þar sem ekki er eins flott en mun styttra að aka.  Þangað fórum við með úrgang sem ekki var svo þungur. Á báðum stöðum var greitt fyrir.  Skv. gjaldskrá.

Baðherbergið er orðið draumalandið.  Þar læt ég mér liða vel.

Í gær var mikil hreingerning áður en matargestir komu í hús.  Tuskur á lofti og skúringargræjur á fleygiferð. Ryksugan á fullu, Nillan góða.  Öflug með afbrigðum.

EN það sem virkilega er erfitt viðureignar:  Kattahár og hundahár.  Þessi yndi okkar fella hár þessar vikurnar og það er ótrúlega mikið.  Verst er þó að þau sækja mjög í að liggja í plusssófanum, stoltinu á heimilinu. Þar eru haugar af hárum þó nýbúið sé að ryksuga.  Hárin bara liggja þarna áður en maður getur hugsað! 

Ætli sé til einhver lausn á þessum vanda, sem bæði dýrin og mannfólkið geta unað við?

 

 

Kallað á ketti

 

Undarlegt  orðaval forsætisráðherra vekur athygli. 

Jóhanna forsætisráðherra virðist vera pirruð og svolítið úr jafnvægi.

Sendir þingmönnum Vinstri grænna tón, sem er einkar laus við sáttarstef.

Ætli Jóhanna sé búin að gera sér grein fyrir að þetta samstarf er búið spil? 

Ríkisstjórn Jóhönnu Sigurðardóttur er komin í þrot.  Hún lafir enn saman

meðan samfó reynir að finna aðrar möguleika án þess að missa völdin.

Talar um að smala köttum.  Hvað það er undarleg samlíking. 

Það er enginn vandi að fá ketti til að koma.  Blíð rödd og hljóð í nammiboxinu er sérlega árangursrik aðferð.  ( Kona í Garðabæ kallar á ketti sína)

Sbr. útvarpsþátt á Gufunni fyrir  nokkrum árum, sem  Una Margrét Jónsdóttir stýrði. Þar var fjallað um hvernig dýraeigendur kalla á dýrin sín.  Stórskemmtilegur þáttur.

Banna tyggjó

Mér var að detta í hug að ríkisstjórnin ætti að banna tyggigúmmi. 

Halda banni við tyggjói

Stjórn Singapúrs kvaðst í gær ætla að halda til streitu átján ára banni við innflutningi og sölu á tyggigúmmíi.  Þessi frétt birtist fyrir nokkru í Mogga.

Það er lítið augnayndi að sjá þingmenn tyggja hver í kappa við annan meðan rætt er við þá.  Þannig sást til tveggja nýlega tyggja kappsamlega.  Ótrúlega hallærislegt.

Og meðan við höfum ríkisstjórn forsjárhyggju bannandi í allar áttir væri ekki úr vegi að taka tyggjó úr umferð.

Hvað segja elsku kerlingarnar okkar í stjórnarflokkunum um það? 

Hve ung, hve langt skal ganga?

Ung hross eiga að fá að upplifa sína æsku/bernsku.

Mér sýnist sem sum hrossaræktarbú keyri tamninguna afar hratt.

Tveggja til þriggja vetra hross eru keyrð í tamningu og  sýnd.

Auðvelt er að segja að þetta sé sparnaður en á kostnað hvers?

Mér virðist, afsakið, en þetta er bara það sem ég sé,  að hrossin séu hraðsoðin til "notkunar " á erlendri grund.

Hrossaræktarbú

Í félaginu mínu er sérdeild sem kallast hrossaræktarfélag Andvara.  Held að ég fari rétt með þetta.

Hvað um það.  Árlega er farið í ferð á  vegum félagsins.  Hrossaræktarbú heimsótt og hestar og menn/konur tekin tali.  Já hestar eru teknir tali í þessum ferðum.  Vegna þess að hestar geta afar vel sagt okkur sína skoðun og mikið  um sína líðan á sinum dvalarstað.

Við heimsóttum fjögur býli  s.l. laugardag.  Öll  voru þau stórglæsileg og hestakosturinn hreinlega afburðaflottur.

Á fyrsta staðnum  gladdi mig sérstaklega að sjá "elliheimili" aldraðra hesta sem höfðu lagt búinu til sina starfskrafta árum saman og verið til gagns og gleði alla sína tíð.  Það er yndislegt að fólkið þeirra metur þessa hesta að verðleikum og býr þeim svo gott ævikvöld.  Þetta bú er auk þess sérstaklega snyrtilegt og vel úr garði gert. Gott fólk  sem þarna ræður ríkjum.  Og svo er þarna  hryssa sem  er algjör Dúkkulísa.  Sá hana fyrir nokkuð mögum árum og hef ekki gleymt henni síðan. 

Fjórða búið er það glæsilegasta sem ég hef séð.  Þar er fagmennskan og virðingin fyrir hestunum í fyrirrúmi.  Tamningafólkið er glæsilegt fólk, vandvirkt og agað.  Snyrtimennskan í öllum atriðum.  Hestarnir afar vel hirtir og auðsjáanlega í sæld.  Það var unun að skoða og upplifa þennan hestabúgarð.  Þarna eru hestar sem ég dái og dýrka!

Arnoddur Þóroddsson er sérlega glæsilegur stóðhestur og ég veðja á hann, að hinum algjörlega ólöstuðum. 

EN hvað er ég að segja... á ekki hryssu til að freista gæfunnar með!

 

 

 

 

Hvað er framundan á Íslandi?

Í mínum huga er ekki nokkur vafi að stjórnin er við það að falla.  Rúin trausti. 

Margir hugsa þó sem svo:  Hvað fáum við í staðinn.  Verður það nokkuð skárra.

Mjög skiljanleg hugsun.  Við höfum orðið fyrir miklum vonbrigðum með þessa svokölluðu "vinstri stjórn". Sérstaklega hefur allt talið um skjaldborgina um heimilin og litla efndir þeirra orða valdið sárindum meðal fólks.

Hvað gæti hugsanlega verið í boði. Hér á eftir fylgja skilgreiningar á þjóðstjórn og utanþingsstjórn.

Orðið þjóðstjórn merkir samstjórn allra eða flestra stjórnmálaflokka á alþingi. Þjóðstjórn hefur einu sinni verið mynduð á Íslandi (1939-42). Sú stjórn var samsteypustjórn Framsóknarflokks, Sjálfstæðiflokks og Alþýðuflokks sem naut stuðnings Bændaflokks. Hér er hægt að skoða dæmi um orðið þjóðstjórn á vef alþingis og þá geta menn til að mynda lesið hvað þingmenn hafa segja um hana.

Utanþingsstjórn er ríkisstjórn skipuð mönnum sem sitja ekki á alþingi. Utanþingsstjórn hefur einu sinni verið mynduð hér á landi þegar Sveinn Björnsson sem þá var ríkisstjóri, leysti stjórnarkreppu í landinu árið 1942 með því að skipa utanþingsstjórn. Hún sat frá desember 1942 fram í október 1944. Hér eru dæmi um orðið utanþingsstjórn á vef alþingis.

Vænlegt virðist mér að við fáum þjóðstjórn með þeirri undantekingu þó  að fá þar með fulltrúa  úr verkalýðshreyfingu/starfsmannafélögum. 

Mér hugnast ekki utanþingsstjórn.  Menn eiga að finna til ábyrgðar þegar þeir hafa náð kjöri á þing.  Þá kröfu getum við sett og gengið eftir að sé uppfyllt.

T. d. var afleitt að sjá og heyra nýkjörinn þingmann tala um að þetta starf sé leiðinlegt og miklu betra að sitja við skriftir.  Og eitt og annað hefur sá blessaði þingmaður unnið sér til ófrægðar.  Förum ekki nánar út í það "smámál"  Þetta var útúrdúr. En kallar eiginlega á greiningarvinnu.  Að þeirri greiningu  má ekki koma  neinn fábjáni.

Hreint út sagt.  Alþingismenn eiga að vinna fyrir virðingunni. Þeir eiga að taka starf sitt alvarlega og sýna í verki að þeir vilja vinna vel fyrir þjóð sína. 

Við verðum að bera taust til nýrrar stjórnar og hana verður að skipa fólk sem stendur fyrir sínu og vel það.

Íslendingar eru í djúpri þörf fyrir leiðtoga, sem stendur frammi fyrir þjóðinni og talar af hreinskilni og festu.  Leynir engu og segir okkur hvers er að vænta og til hvers er ætlast af okkur.

Mál málanna er að stjórnin taki á glæponunum sem nú eru óðum að ná fyrirtækum sem þeir "áttu" afur á sitt vald.  Stöðvi þann ósóma með öllum ráðum og sýni okkur að við séum ekki stödd í algjöru bananalýðveldi þar sem samviskulausir gróðapungar ráða ríkjum.

 

 

Nei nei nei nei

Húrra Ísland.

Íslendingar hafa kosið.

Úrslitin liggja fyrir.

Koma sennilega fáum á óvart.

Er ríkisstjórninni stætt að hanga við völd?

Nei nei nei

Hvað tekur þá við?

Þjóðstjórn?

 

Í dag er glatt í döprum hjörtum

Von um betri tíð