Áramótabrenna við hesthúsahverfi

Eftirfarandi frétt er á síðu hestamannafélagsins Andvara:

Bæjarráð Kópavogs, Slökkvilið höfuðborgarsvæðisins, Heimbrigðiseftirlitið og Lögreglan á höfuðborgarsvæðinu hafa heimilað að áramótabrenna verði staðsett við efstu húsin á Heimsenda við reiðstíginn sem liggur frá hesthúsasvæðinu að Elliðavatni. Brennan er aðeins í 140 metra fjarlægð frá húsunum, sem flest eru með hestum í. Enginn þessara opinberu aðila bað um umsögn Andvara áður en leyfið var veitt og því var það ekki fyrr en hleðsla brennunnar hófst sl. mánudag að hestamenn vissu af þessari ákvörðun.

Þá strax þá hafði formaður Andvara samband við leyfisveitendur og bað um að leyfið yrði afturkallað eða brennan færð lengra í burtu, en enginn þessara opinberu aðila varð þeirri beiðni, því skv. reglugerð er brennan ekki á hættusvæði né of nálægt byggð. Formaður Andvara sat fund í gær 30. des. með bæjarstjóra, bæjarverkfræðingi og bæjarlögmanni Kópavogs og fulltrúa heilbrigðiseftirlitsins ásamt leyfishöfum til að reyna að fá brennuna flutta á annan stað, en án árangurs.

 

Rök okkar hestamanna eru þau helst að brennan er komin inn á umferðarsvæði hestamanna og inn fyrir hesthúsabyggðina og mjög nálægt hesthúsunum sjálfum eða 140 metra frá næsta húsi. Hestar eru mjög viðkvæmir fyrir reyk og lykt svo ekki sé talað um blossa og hávaða, ásamt því að svona samkomu (áramótabrennu) fylgir mikil umferð fólks og bíla. Héraðsdýralæknir deilir áhyggjum okkar Andvaramanna á þessum hræðilegu mistökum yfirvalda að heimila brennu svo nálægt hesthúsum."

Er þetta ekki alveg lygilegt?

 

Að mönnum skuli detta í hug að setja bálköst í nágrenni við hesthús með öllum þeim umgangi sem slíku fylgir og vitandi að hestar eru afar viðkvæmir fyrir reykjarlykt.

Yyfirgangur gagnvart hestamönnum á þessu svæði er ekki nýr af nálinni.  Gengdarlaus frekja og tillitsleysi hefur verið ríkjandi af hálfu yfirvalda í Kópavogi í nokkur ár.  Gott dæmi er bygging  risastórs óþróttahúss við veggi hesthúsa  á Heimsenda.  Og uppfylling Kjóavalla með sífelldum akstri malarflutningabíla mánuðum saman,  ár eftir ár. Þar var eyðilegt indælt svæði sem notað var fyrir reiðskólahesta á sumrin.

Á gamlárskvöld leggja hestamenn áherslu á að búa sérlega vel að hestum sinum, hafa útvarp í gangi hjá hestunum, byrgja fyrir glugga og gera altt sem hægt er til að skapa ró og frið. Og koma í veg fyrir að lætin frá flugeldum og öðru slíku vekji ótta þeirra.

Þetta birtist á ruv:

Íþróttafélagið HK ætlaði að halda átti flugeldasýningu við brennuna í kvöld en horfið var frá því. Jón Viðar Stefánsson, einn af forsvarsmönnum brennunnar, hvetur fólk til að skilja flugelda eftir heima. Hann segir að verði vindátt þannig að reykinn myndi leggja yfir hesthúsabyggðina verði ekki kveikt í bálkestinum.

Árni Johnsen ætlar að taka nokkur lög fyrir gesti á þessari brennu sem telst ein sú stærsta á höfuðborgarsvæðinu.

 

[e-mail]