Sólvellir

30.10.2009 | 23:00

Barnalán og fleira

Hvernig er hægt að láta þá foreldra sleppa, sem notuðu kennitölur (nöfn) barna sinna til að fá LÁN. Margar milljónir. Og þessi lán eru nú afskrifuð, Nú eru þau talin ólögleg en voru það ekki þá. Við vitum það núna. Tilgangur lántöku er augljós. Græða. Græða. Græða.

Auðvitað eiga þessir foreldrar að fá refsingu fyrir svona hegðun. Það bara á ekki að láta þetta afskiptalaust. Þvílíkur ruddaháttur gagnvart börnum.

Slík framkoma gagnvart minnimáttar er særandi.

Og enn er haldið áfram. Villikindur í Tálkna fá gríðarlega athygli og allt er gert til að drepa þessi dýr. Dýr sem engum gera neitt og eru ekki fyrir neinum. Þau skulu drepin. Þau sem náðust eru sett á bíl og ekið til Sauðárkróks til slátrunar. Þar kemur í ljós að kindurnar eru ágætlega haldnar. Eftir að þær hafa verið drepnar.

Það er sem sagt lagt á þessar villikindur að flytja þær um langan veg til að drepa þær.

Svo ömurlegt, svo ljótt.

Áfram skal skoðað hvað gerist.

Íslendingar mega nú horfa uppá það að afskrifaðar eru milljónir/milljarðar skulda auðmanna. Og á meðan sitja þeir í eignum sínu, halda áfram dýrum lífsstíl , byggja sumarbústaði og virðast ekki þurfa að slaka á í nokkrum hlut.

Á sama tíma þurfa landarnir að berjast við að stand skil m.a. á myntkörfulánum.

Lán sem nú að eru jafnvel talin ólögleg.

Raunar býðst okkur nú að framlengja þessi lán um þrjú ár, sem DV úskýrði þannig: Borgaðu fyrir þrjá bíla og fáðu einn.

Glæsileg leiðrétting til þeirra sem tóku lán í góðri trú og með vinsamlegum leiðbeiningum bankasérfræðinga.

Og við landarnir höfum þurft að hlusta, lesa og upplifa þvílíkt endemis rugl um Icesave og ESB og AGS, þar sem hver höndin er uppi á móti annarri. Ekki nokkur vegur að skilja hvað hver flokkur vill, ætlar eða leggur til í þeim efnum. Enda hver höndin uppi á móti annarri.

Og forsætisráðherra virðist telja að okkar bíði himnaríki með inngöngu í EBS.

OMG

Þvílík framtíðarsýn.

Takk fyrir kærlega!

Flokkur: Lífstíll | Facebook