Stungið á kýlið

Skýrslan hefur verið gerð opinber eftir langa bið.

Þar er vel að verki staðið.

Það er mikill léttir.

Búið er að skera á kýlið og vessinn lekur út, illa lyktandi og ljótur.

Mikill léttir, endurtek það.

Sumt kemur alveg óskaplega á óvart.  Eins og það að Seðlabanki Bretlands bauð aðstoð sína til að hamla vexti íslensku bankanna og neitaði um leið að lána okkar banka.  Aðstoðin var "afþökkuð" en ítrekuð beiðni um lán.  Sem var ekki svarað.

Er ekki lygilegt að við fengum ekki að vita um þessi bréfaskipti. 

Ég hélt að menn hefðu trassað eftirlitsskyldu sína í Bretlandi en það var nú aldeilis ekki.  Landarnir voru hrokafullir og neituðu að þiggja aðstoð þó svo sannarlega hefði ekki veitt af.

Einkavæðing bankanna var hörmulega unnin og illa að henni staðið. 

Hrikalegt að skoða þann verknað. ( Minnist þess að hafa þó átt sérstaklega erfitt með að umbera sölu Landsbanka Íslands.)

Fagmennska í lágmarki (engin)  í öllum vinnubrögðum. 

"Eigendur" bankanna hugsuðu eingöngu um eigin gróðavon. 

Þessir menn virðast hafa tekið á bankamálum eins og fyrirtækjum sem þeir "keyptu".  Átu bankana innafrá eins og innyflaormar.

Skítt með almenning og velferð borgarana.

Það er ósk mín, von og trú að þessar manneskjur muni svara til saka og illa fenginn auður þeirra verði tekinn og nýttur í þágu þjóðar okkar.

Þakka Rannsóknarnefnd Alþingis vel unnin störf í þágu okkar allra.

 

 

Athugasemdir

[Árni Gunnarsson, 25.4.2010 kl. 23:13]

Sala bankanna var svo opinská niðurlæging á öllum siðareglum að það átti að vera hverjum manni ljóst. Flest það sem rannsóknarskýrslan upplýsti auk fjölmargra annara vísbendinga í sömu veru var fyrir löngu að hluta upplýst í DV.

Þjóðin hnipraði sig saman í siðakirkjum flokkanna sinna og sagði: Lygi, lygi, þar til hún trúði því sjálf að allt væri í himnalagi nema hjá hinum helv. flokkunum.

Við munum halda áfram á sömu braut og kjósa okkur fulltrúa allra þeirra spilltu klúbba sérhagsmuna þar til við skiljum að þessir ræflar eru í vinnu hjá okkur, ráðnir af okkur og það er okkar skylda að segja þeim upp störfum. 

Reka þá!

Það vorum við sem brugðumst.