Fallegt ljóð

Er í rómantísku stuði eins og svo oft áður.  Þetta ljóð sem hér fylgir á eftir er eftirlætisljóð. Það er eftir Hannes Pétursson:

 

Á bláum skógum draumanna

í dölum svefnsins

þar skulum við mætast

meðan þú ert í burtu

og setjast undir krónurnar

sem krydda blæinn sætast.

 

Á bláum skógum draumanna

í dölum svefnsins

þar skulum við gleðjast

þangað til þú kemur.

Þá gleymir hvorugt ástinni

og engin þörf á að kveðjast.

Afskaplega þykir mér vænt um þetta ljóð. 

Og mér þykir vont að kveðja.

Athugasemdir

[Þórarinn Þ Gíslason (IP-tala skráð) 8.2.2010 kl. 02:49]

Sæl, Lady in blue.

Já, ljóðið er í senn , draumkennt og lifandi og þess vegna vel rómantískt.

Gott er að njóta. "Og mér þykir vont að kveðja " eru góð loka orð. 

Kær kveðja á þig og alla þína.

[Auður Matthíasdóttir, 9.2.2010 kl. 22:45]

Takk,  Þórarinn.  Það er gott að vera svolitið rómantískur á þessum tímum.  Eiginlega nauðsynlegt.  Léttir lífið og eykur ánægjustundir.  Horfa á björtu hliðarnar!  Kær kveðja