Furður sálarlífsins

Undur gerast fyrir augum okkar langþreyttra landa.

Nú hefur verið kallað á Sigurð Einarsson til yfirheyrslu á meðan kollegar hans sitja í gæsluvarðhaldi á Litla-Hrauni.

Sigurður er ekki til í að hlýða kallinu og setur skilyrði að sögn.  Bara vill alls ekki handtöku við komuna til Íslands.  Það er svo óþægilegt, skilst mér.

Ætla ekki að tíunda hve margfalt "óþægilegra" það er,  sem hann, sem grunaður afbrotamaður að mér sýnist  og hans líkar hafa sennilega valdið okkur löndunum og við glímum við dag hvern.

Sigurður ber Fálkaorðu á brjósti.  Hann var einn þeirra sem herra Ólafur Ragnar Grímsson bar á höndum sér. 

Það er undarlegt að fylgjast með hvernig umræddur bankamaður reynir að komast undan réttmætri rannsókn.  Samviskan er sennilega svört. 

Jakkaklæddur maður fer í fangelsi

 

Hreiðar Már  tekinn til rannsóknar og yfirheyrslu.

Þá er komið að því.

Grunaður afbrotamaður í hruninu hefur verið tekinn höndum.

Mikill léttir að sjá að nú hefur verið hafist handa.

Megi þessu halda fram sem eðlilegt og sjálfsagt er.

Ekki verður við það unað að menn sleppi undan refsingu fyrir þvílík brot sem útrásargróðapungar og bankamenn án samvisku  hafa valdið þjóðinni.

Og eðlileg krafa er að illa fenginn auður þessara manna og kvenna verði dæmdur þjóðarbúinu í hag.

Létt verði á erfiðum skuldbindingum landsmanna, sem tóku lán og gerðu samninga sem eru til meiri byrði en nokkurn grunaði þegar þar var um samið.  Og gerðu þá samninga í góðri trú.  

Verð að endurtaka það.   Það ljóta trúnaðarbrot sem hefur átt sér stað millli bankastarfsmanna og viðskiptavina verður erfitt að lækna.

 

When skies are cloudy and grey

Frábær texti við frábært lag: 

When skies are cloudy and grey
They're only grey for a day
So wrap your troubles in dreams
And dream your troubles away
Until that sunshine peeps through
There's only one thing to do
Just wrap your troubles in dreams
And dream all your troubles away
Your castles may tumble (that's fate after all)
Life's really funny that way
No use to grumble, smile as they fall
Weren't you king for a day?
Just remember that sunshine
Always follows the rain
So wrap your troubles in dreams
And dream your troubles away
Your castles may tumble (that's fate after all)
Life's really funny that way
But no need to grumble, smile as they fall
Weren't you king for a day?
Just remember that sunshine
Always follows the rain
So wrap your troubles in dreams
And dream... dreeaaam your troubles away

 

Hér áður þegar ég var nemandi í MA var tónlist löngu orðin ett af mínum eftirlætis hugðarefnum.  Var og er næstum alæta á tónlist.  Og oft eru textar afar þýðingarmiklir.

Þessa hlustaði ég á á síðkvöldum.  Man því miður ekki nafn söngkonunar en hún var góð.  Og textinn flottur.  Plötuna fékk ég að láni hjá Bandaríska safninu á Akureyri.  Þar var boðið uppá plötur, bækur og ég man ekki hvað.

Þessi texti passar undur vel nú um stundir.

Vond meðferð á fólki

Fjallað var í Mogga 29. apríl s.l.  um sölu jarðarinnar Skáldabúða í Árnessýslu. Þar var fyrirsögnin:  Jörðin seld án auglýsingar.

Rætt er við ábúendur, hjónin Sigurgeir Runólfsson go Þóreyju Guðmundsdóttur.  M.a. segir Sigurgeir: " Ég hélt að bankarnir ætluðu að hjálpa fólki.  Við erum fimm manna fjölskylda á götunni og ég er atvinnulaus."

Þarna kemur fram skoðun sem margir áttu sameiginlega.  Að líta á banka sinn sem "vin" .  Þannig var stefnan lengi, byggt á gagnkvæmu trausti.  Því trausti hefur algjörlega verið kollvarpað með vægast sagt nöturlegri framkomu bankanna við hina almennu viðskiptavini.

"Sigurgeir er fæddur og uppalinn á Skáldabúðum. Hann tók við búi foreldra sinna árið 2000. Byggt var nýtt fjós á Skáldabúðum árið 2005, en það er búið nýjustu tækni, m.a. mjaltaþjóni. Hann keypti einnig mjólkurkvóta samhliða stækkun búsins og ræktaði tún úr því að vera 38 hektarar í það að vera 103 hektarar.

Upphaflega voru þessar fjárfestingar fjármagnaðar með innlendum verðtryggðum lánum hjá Íslandsbanka. Þau lán hækkuðu í takt við verðbólgu og þegar Sigurgeir átti í erfiðleikum með að standa í skilum stakk bankinn upp á að breyta lánunum í erlend lán. 60 milljóna króna láni var breytt í erlent lán sem nú er komið yfir 130 milljónir. Þegar þessi breyting var gerð stóð gengisvísitalan í um 130. »Hann sagði við mig í bankanum að þegar gengisvísitalan væri komin niður í 110 yrði láninu aftur breytt yfir í íslenskt lán og við myndum hagnast á lækkuninni. Manni þótti þetta allt mjög sniðugt,« sagði Sigurgeir sem segir að hann hefði sett allt sitt traust á ráðleggingar bankans. Heildarskuldir búsins á Skáldabúðum var vel yfir 200 milljónir þegar jörðin var seld."

" Það sem við erum ósátt við  er hvað bankinn  kom óheiðarlega fram við okkur.  Hann laug að okkur. " segja hjónin Sigurgeir Runólfsson og Þórey Guðmundsdóttir kona hans. 

Þetta eru þung orð og lýsa miklum vonbrigðum og sárindum.  En þarf maður nokkuð að velkjast í vafa um sannleiksgildi þessara orða.  Hvað hefur ekki gerst í bönkum landsins.  Svindl, sukk og svínari frá morgni til kvölds já og á næturnar líka.

Og leiðir til spurningar:  Hvað vitum við í ósköpunum um það sem er að gerast einmitt núna í þessum bönkum?  Hvar er gagnsæið sem okkur var lofað?  Hvað eru menn í  bankastólum að bralla í húmi nætur?  Og um hábjartan dag?   

Undarlegt er t.d. kúlulán til Jóns Ásgeirs Jóhannessonar með veði í yfirveðsettum eignum konu hans?

Sá ágæti maður skuldar ásamt fjölskyldu sinni svo mikla peninga að við getum varla skilið - tengt þær upphæðir við okkar litlu líf og eignir.  Blessaður maðurinn keypti fjallaskála sér til yndisauka.  Þeir kostuðu eitthvað sem ég  man ekki eða vil ekki muna.  Það er svo heimskulegt að ég nenni ekki að hugsa það.

Lítum svo á bóndann sem við er rætt í Mogga.  Hann býr á feðraóðali sínu (ennþá).  Hann hefur farið vel og vandlega eftir ráðum bankans síns til að bjarga jörð sinni já og tilvist sinni og sinna.

Hvað uppsker hann?  Bankinn tekur ekki ábyrgð á vondum ráðum sínum honum til handa.  Heldur selur jörðina án miskunnar.

Það er ekki sama Jón og Sigurgeir.

Jarðarfarir, erfidrykkjur

Fyrir nokkrum árum ritaði ég grein um makamissi.  Þar var skoðað hvað slíkt áfall leiðir af sér bara svona hreint praktískt.  Hvað þarf að gera og að hverju þarf að hyggja. 

Nú,  mörgum árum seinna hef ég eins og gengur, fylgt mörgum vinum, vandamönnum og ástvinum til grafar.

Það tekur oft á að kveðja og stundum er gráturinn kæfður þangað til heim er komið.

Kveikt á kerti, setið og hugsað og minningar hellast yfir mann.

Þá kem ég að því sem ég hef velt fyrir mér lengi.  Erfidrykkjur.  Kaffi og með því eftir útförina. 

Fólk kemur saman og situr við góðar veitingar.  Rabbar saman, rifja upp  liðnar stundir.  Menn hittast sem ekki hafa sést um árabil.  Það gefur notalegar tilfinningar og hlýjar um hjartarætur.

Þessi samsæti eru bara af hinu góða. EN með aukinni dýrtíð og minnkandi fjárráðum hefur kostnaðurinn við erfidrykkjur orðið æ meiri.  Ég er hrædd um að fólk vilji í auknum mæli hlífa  ættingjum sínum við þessum kostnaði með því að láta  útförina fara fram í kyrrþey.

Þá kem ég að hugmynd minni.  Hvers vegna er fólki ekki  gefinn kostur á að greiða fyrir veitingarnar.  T. d. 500 hundruð krónur svo einhver tala sé nefnd.  Það er sanngjörn upphæð og eðlileg og þar með tekur gesturinn þátt í kostnaðinum.

Prestar hafa áhyggjur af þeirri þróun að fleiri óska eftir jarðarför í kyrrþey. Þeir vita að fólk þarf á því að halda að hittast, tala saman, rifja upp gamlar minningar og njóta félagsskaparins á erfiðum stundum.

Er ekki ástæða til að við skoðum þessa hlið útfararkostnaðar. 

 

Tíðarandinn

Nú virðist sem allt verði að skoða í ljósi tíðarandans a.m.k. þegar styrkþegar á Alþingi eiga í hlut.

Alveg er þetta forkostulegt.

Hvað þá með tíðarandann meðal bankamanna, útrásarbjána,  lífeyrissjóðsmanna.

Ekki má gleyma þeim sem keyptu flatskjái, þeim vitleysingjum öllum með tölu

Nei, nú må det være nok.  Nú verðum við að skoða hlutina af viti.

Fólk sem þáði margar milljónir til að komast áfram í prófkjöri verður bara að axla sína ábyrgð.

Dómgreindarskortur heitir þetta á mannamáli.  Sennilega líka græðgi.

Löngun til að sigra hina og ná til sín sem mestu.

Hugsa sér hve hægt er að misnota þessa styrki.  Sjáum bara hve Guðlaugur Þór mokaði inn fjármunum til að klekkja á Birni Bjarnasyni.  Eða hvað?  Skil ég þetta ekki rétt? 

Ef peningar eiga að stýra ferðinni á öllum sviðum er illt í efni.  Og það verða menn að viðurkenna með því að axla ábyrgð.

Fáum fólk með hreint borð inn á Alþingi Íslendinga.

Steinunn Valdís þáði  lægir upphæð samt á annan tug.

Við þetta verður ekki unað.  Þetta fólk verður að hverfa af sviðinu.

Integer vitae scelerisque purus

Ég bara segi ekki af mér

Hringurinn þrengist. Það er sárt. 

Sumir sjá í hendi sér hvað gera skal og gangast við sínu  hlutskipti.

Aðrir spyrna við fótum og segja ekki ég, ekki ég.

Hvers vegna í ósköpunum ætti Steinunn Valdís að láta vera að gefa eftir í stöðunni?

Almáttugur hve hún væri á útopnunni ef í sömu sporum stæði fólk úr öðrum flokkum.

Þá heyrðist gamla krataviðlagið og ævinlega sungið hátt og vasklega:  við erum öll jöfn og jafnrétti er krafa okkar og við stöndum við heiðarleika og gagnsæi í stjórnmálum.

EN þessi vesalings flokkur stendur ekki við neitt.  Er bara orðin tóm.  Jafnvel verri en framsókn og er þá mikið sagt.

Segja má með sanni að Samfylkingin sé ekki flokkur heldur samsuða fremur illa heppnuð úr mörgum flokksbrotum, sem illa lyndir hverjum við aðra.

Kalt mat:  Steinunn Valdís á að segja af sér.

Og fleiri eiga að fara sömu leið.

Nú þarf þjóðin nýjar manneskjur með heiðarleika og hugsjónir.

Fólk sem stendur við orð sín. 

Glæpamenn á Hvanneyri?

Tveir nemendur í Landbúnaðarháskólanum á Hvanneyri eru velþekktir fjárglæframenn, sem hafa haft okkur landa sína að fíflum og grætt morð fjár með samviskulausu og kaldrifjuðu hátterni.

Þetta er heimild mín:

hestar847.is

Glæpamenn á Hvanneyri

Ritað af: Fríða frænka ()

Dags: April 15, 2010 01:42PM

Ég fatta ekki hvernig ríkisskólinn á Hvanneyri getur haft glæpamenn einsog Finn og Karl í skólanum hjá sér einsog ekkert sé. þetta eru menn sem eru báðir búnir að stela hundruðum milljóna eða milljörðum frá almenningi í landinu.Hvanneyri er ríkisskóli. Hvað er í gangi þarna? Ef þú gerir ekki eitthvað í þessu strax Gústi þá gera það einhverjir aðrir.

Samkvæmt Fríðu frænku eru semsagt þessir menn skólasveinar á Hvanneyri.

 

Þeir eru  strákarnir Finnur Ingólfsson og Karl Wernersson.  Tíðindi þessi hef ég frá hestasíðu sem ég skoða daglega mér til ánægju.

Þessi tíðindi voru mér EKKI til ánægju.  Mér finnst að þessir menn eigi ekki að fá aðgang að menntastofnunum né öðrum stofnunum meðan þeirra mál eru ekki leidd til lykta.  Þeir ættu í raun að sitja inni eins og aðrir sem liggja undir grun.

Ég leyfi mér að vísa í skrif Ástþórs Magnússonar: " Þá gengur það bara alls ekki upp að menn sem hafa stolið hundruðum milljarða gangi lausir og séu enn að vasast með stærstu fyrirtæki landsins. Í fréttum kvöldsins var sagt frá hvernig stór hluti Icesave innistæðna frá útlöndum enduðu hjá Baugi, Kjalar og Exista. Hvað er svona erfitt við að sækja forkólfa þessara fyrirtækja og koma þeim í gæsluvarðhald á meðan málið er rannsakað eins og venja er með svipuð sakamál?"

Hér alveg freskt og ómengað mál:

Sigurður nokkur Kárason var nýlega settur í gæsluvarðhald vegna ákæru um fjársvik :

Sá sem grunaður er um fjársvik heitir Sigurður Kárason

Maðurinn sem grunaður er um stórfelld fjársvik heitir Sigurður Kárason. Greint var frá málinu í kvöldfréttum RÚV á fimmtudag.

Fimmtudagur 15. apríl 2010 kl 22:50

Höfundur: Ritstjórn DV ([e-mail])

Hæstiréttur staðfesti í dag úrskurð Héraðsdóms Reykjavíkur um gæsluvarðhald yfir hálfsextugum manni sem er grunaður um stórfelld fjársvik. Frá þessu var greint í kvöldfréttum Ríkisútvarpsins. Maðurinn sem um ræðir heitir Sigurður Kárason og rak meðal annars tívolíið í Hveragerði á sínum tíma. Sigurður er talinn hafa haft sex hundruð milljónir króna af rúmlega níutíu einstaklingum.

Lögreglan hóf rannsókn á meintum fjársvikum mannsins eftir að henni höfðu borist kærur og upplýsingar frá fjölda einstaklinga sem afhent höfðu Sigurði verulegar fjárhæðir. Afhentu sumir honum tugi milljóna króna gegn því loforði að fjármunirnar yrðu ávaxtaðar með verulegum hagnaði. Meint brot Sigurðar gætu varðað allt að sex ára fangelsi.

Já þetta mál gekk hratt og örugglega fyrir sig.

En hvers vegna þennan seinagang gagnvart þrjótunum sem settu bankana á hausinn. 

Af hverju eru þessir menn ekki settir inn á meðan mál þeirra eru rannsökuð?

Og "eignir" þeirra frystar

Segja má að mál Sigurðar Kárasonar sé lítilfjörlegt miðað við allan þann ófögnuð sem  við sjáum og heyrum um. 

Ég ætla ekki að halda því fram að það sé" much ado about nothing" en óneitanlega er þetta sérkennilegt.  Misbýður siðferðiskennd manns.

Konur kveðja og eldfjöll gjósa

Tími iðrunar er runninn upp.

Konur ríða á vaðið.

Ingibjörg Sólrún mætti á þingi Samfylkingar í Garðabæ í dag.  Það mátti skilja af orðum hennar að ekki hefðu allir fundarmenn tekið komu hennar  vel á fundinn.  Hins vegar mæltist  Ingibjörgu vel.  Orð hennar voru sannfærandi  svo og  allt hennar látbragð.  Og það var elskulegt að sjá hve maður hennar hélt henni þétti í fangi sínu eftir ræðuna.  Hún er vel gift hún Ingibjörg Sólrún.

Þorgerður Katrín varð að kveðja og það var ekki síður sorglegt.  Flott kona, gáfuð og gjörvileg. 

Alveg hreint ótrúlegt að slíkt skuli hafa getað skeð.  Ráðherra með mann sér við hlið, sem var bókstaflega sokkinn í bankaspillinguna án þess að hún hafi gert sér grein fyrir því.  Svimandi  há lán, sem augljóslega er útilokaðað að þau gætu borgað. 

Meðan þessu fer fram tekur undir í fjöllunum.  Eyjafjallajökull spúir ösku svo öll Evrópa er undirlögð.

Á eyjunni okkar  eru konur sem axla ábyrgð. 

Þær eru virkilega til eftirbreytni og virðingarvert  að þær taka af skarið.

Þannig getum við byggt upp nýtt Ísland. 

 

Pabbi hennar Þorgerðar Katrínar  mætti við hús þeirra hjóna og ræddi við fólkið sem þar var komið til að mótmæla.  Það var vont að sjá þetta og heyra í sjónvarpinu.

Hreint út sagt finnst mér andstyggilegt að leggjast svo lágt að sitja um heimili fólks.  Það eru margir aðrir og heiðarlegir möguleikar til að láta í ljos álit sitt.

Við eigum að virða rétt barna til að fá að vera í friði.

Tala um að Kristján Arason hafi skýlt sér bak við dóttur sína er ljótt. 

Fremur má segja að "mótmælendur" hafi ruðst inn í friðhelgi heimilis vitandi að þar býr fjöskylda með ung börn.

Stungið á kýlið

Skýrslan hefur verið gerð opinber eftir langa bið.

Þar er vel að verki staðið.

Það er mikill léttir.

Búið er að skera á kýlið og vessinn lekur út, illa lyktandi og ljótur.

Mikill léttir, endurtek það.

Sumt kemur alveg óskaplega á óvart.  Eins og það að Seðlabanki Bretlands bauð aðstoð sína til að hamla vexti íslensku bankanna og neitaði um leið að lána okkar banka.  Aðstoðin var "afþökkuð" en ítrekuð beiðni um lán.  Sem var ekki svarað.

Er ekki lygilegt að við fengum ekki að vita um þessi bréfaskipti. 

Ég hélt að menn hefðu trassað eftirlitsskyldu sína í Bretlandi en það var nú aldeilis ekki.  Landarnir voru hrokafullir og neituðu að þiggja aðstoð þó svo sannarlega hefði ekki veitt af.

Einkavæðing bankanna var hörmulega unnin og illa að henni staðið. 

Hrikalegt að skoða þann verknað. ( Minnist þess að hafa þó átt sérstaklega erfitt með að umbera sölu Landsbanka Íslands.)

Fagmennska í lágmarki (engin)  í öllum vinnubrögðum. 

"Eigendur" bankanna hugsuðu eingöngu um eigin gróðavon. 

Þessir menn virðast hafa tekið á bankamálum eins og fyrirtækjum sem þeir "keyptu".  Átu bankana innafrá eins og innyflaormar.

Skítt með almenning og velferð borgarana.

Það er ósk mín, von og trú að þessar manneskjur muni svara til saka og illa fenginn auður þeirra verði tekinn og nýttur í þágu þjóðar okkar.

Þakka Rannsóknarnefnd Alþingis vel unnin störf í þágu okkar allra.