Of mikið fyrir þjóðina?

Kjósa um Icesave samninga takk fyrir.

Hvað vitum við í okkar haus um það sem vita þarf í þessu máli?

Þingmenn fengu ráðrúm til að kynna sér þetta mál og greiða síðan um það atkvæði.

Forsetinn taldi þetta mál eiga erindi til allra kosningabærra  landsmanna.

Og nú er komið að þeirri kosningu.

Mér virðist sorglega margir láta stýrast af hreinni öfgastefnu.  Þá meina ég að menn ákveða sig og hugsa seinna ef nokkurn tíma um afleiðingarnar.  Og í þessum kosningum er hreinlega óvenjustór óvissuþáttur

Nokkuð ljóst er að já er fremur ávísun á jákvætt framhald þessa máls en nei  möguleiki á  dómsmáli og langtíma málaflækjum.

Er ekki kominn tími til að þessu linni og við fáum frið til að skoða okkar mál í sæmilegum friði og ró.

Af nægu er að taka sem þarfnast skoðunar og breytinga.

 

 


Bankastjórar - bjánar

Nýjar upplýsingar:  Laun bankastjóra eru á ný komin upp fyrir allt velsæmi.

Tillaga: Burt með þessar manneskjur sem samþykkja að taka við slíkum ofurlaunum.

Strax. 

Og burt með þá sem semja um slík laun við þessar manneskjur.

Strax.

Við almenningur í þessu þjóðfélagi viljum nú þegar hreint borð.

Burt, burt með þetta pakk.

Fyrir stuttu síðan voru reknar nokkrar manneskjur frá Arion banka.  Sumar þeirra höfðu  unnið  meira en tvo áratugi hjá bankanum.  Þetta var kallað hagræðing.

Á sama tíma voru laun bankastjóra að hækka og hækka.

Hvað á þetta að þýða?

Eru bankarnir að falla aftur í viðbjóðinn?

Hver tekur nú í taumana?


Auddi, Sveppi og Jón Ásgeir

Horfði á þennan undarlega þátt í kvold.

Hafi einhvern tíma verið óviðeigandi að hafa viðtal við Jón Ásgeir  Jóhannesson í svokölluðum grínþætti  þá  er það núna. 

Stórundarleg smekkleysa.

Hrikalega vont að horfa á þessa útsendingu.

Var með aula og andstyggðarhroll allan tímann.

Hvað er að þessum mönnum. 

 Eru þeir virkilega eins vitlausir og þeir líta út fyrir að vera ?

 


Ískalt mat

Kolbrún Bergþórsdóttir skrifar góðan pistil í Mogga í dag, 17. febrúar undir titlinum: Dýrmæt eign.  Það er svo sannarlega ánægjulegt og uppörvandi að lesa þessa grein Kolbrúnar.  Hún bætir um betur einmitt þar sem ég hef nú nýlega beðið um frið frá stanslausum árásum á unga formanninn Bjarna Benediktsson. 

Bjarni tók  nefnilega ákvörðun sem ekki allir sætta sig við.  

 Hér gef ég Kolbrúnu Berþórsdóttur orðið:   "Formaður Sjálfstæðisflokksins, Bjarni Benediktsson, fór á dögunum óvenjulega leið í íslenskum stjórnmálum þegar hann sem leiðtogi stjórnarandstöðunnar lagðist á sveif með ríkisstjórninni í hinu mjög svo langdregna og ömurlega Icesave-máli. Sjálfsagt hefði verið langauðveldast fyrir Bjarna Benediktsson að halda sig í hinum gamalkunna stjórnarandstöðugír og vera á móti ríkisstjórninni í þessu máli sem öðrum. Þannig haga stjórnarandstöðuflokkar sér venjulega og meðal annars þess vegna eru íslensk stjórnmál fyrirsjáanleg og stjórnmálamenn svo ótrúverðugir. Og þegar Bjarni Benediktsson nennir ekki að fara í þennan leik, heldur tekur ákvörðun, vegna þess að hann hefur sterka sannfæringu fyrir því hver sé skásta leiðin - ekki sú besta heldur sú skásta - þá dynja á honum skammir og svívirðingar frá mönnum sem trúa því að ef sagt er nógu oft: »Við borgum ekki«, þá muni Icesave-vandamálið hverfa. "

 Í sannleika sagt þá hef ég svo sannarlega verið afar mótfallin því að samþykkja að við greiðum þessa dæmalausu "skuld  óreiðumanna".  Enda hefur sýnt sig að það borgaði sig að stympast við.  Svavarssamningurinn var með afbrigðum lélegt verk og löðurmannlegt. Hins vegar tel ég að maður eigi ekki að tefla í tvísýnu sinni lukku en láta nú klókindi ráða för.  Betra er að semja nú .  Mjög trúlega vinnur tíminn með lítlu þjóðinni  á fallegu eyjunni.

Þá þykir mér ekki síður athyglisvert að lesa þetta: "Hanna Birna Kristjánsdóttir hefur fengið sinn skammt af skömmum frá ýmsum flokksmönnum sínum sem finnst nánast fyrirlitlegt að taka afstöðu til málefna fremur en að láta flokkshagsmuni öllu ráða. Hanna Birna er reyndar núna í þeirri stöðu að þeir flokkar sem eru við völd í borginni láta eins og hún sé ekki til og loka eyrunum fyrir málflutningi hennar. Sem segir manni einfaldlega það að mjög fáir stjórnmálamenn eru tilbúnir í viðræðu við þá sem þeir telja pólitíska andstæðinga. Þeir hunsa þá og halda áfram að stunda sína gamaldags valdapólitík. Eins og Samfylkingin gerir nú í borginni og vinstri ríkisstjórnin hefur gert nær daglega á sinni vesældarlegu valdatíð. "

Æ fleiri gera sér nú grein fyrir því að borgarstjórinn í Reykjavík er á grænni grein launalega en kjör borgarbúa fara versnandi.  Svonefndur  "Besti flokkurinn " er langt frá því að vera slíkur.  Það var sannarlega ógæfa að kjósa þessa menn. En Samfylkingin virðist þrífast konunglega á því að "vinna" með  Jóni Gnarr Kristinssyni og flokksmönnum hans.

Þakka blaðamanni Morgunblaðsins, Kolbrúnu Bergþórsdóttur mjög vel fyrir góða grein.  Orð í tíma töluð.

 

 

 


Arion banki og Jón Ásgeir Jóhannesson

Þar kom að því.

Loksins.

Arion banki hefur selt 34% úr Högum.  Seljandi  er Eignabjarg, dótturfélag Arion banka, sem á eftir viðskiptin 64,1% útistandandi hluta í Högum. Kaupin eru gerð með fyrirvara um samþykki Samkeppniseftirlitsins.

Ekki að það skipti máli en nafngiftin er dásamleg : Eignabjarg.

"Jón Ásgeir Jóhannesson, fyrrverandi forsjóri Baugs, segir fráleitt að tugir milljarða króna skuli nú afskrifaðir hjá Arion banka vegna Haga. Bankinn hefur afskrifað hátt í 40 milljarða vegna viðskipta við Jón Ásgeir og fjölskyldu. Jón Ásgeir segir að tilboðum hans og félaga um að greiða skuldina við bankann að fullu hafi ekki verið svarað. Umfjöllun fjölmiðla hafi tekið nýja stjórnedur Arion banka á taugum á kostnað erlendra kröfuhafa. " (Leturbreyting  AM )

Taugatrekkingur:  Jamm og jamm.  Er ekki allt  í lagi , Jón Ásgeir?  Nei sennilega er ekki allt í lagi.

 "Jón Ásgeir vildi ekki veita fréttastofu viðtal vegna málsins en féllst á að svara spurningum fréttamanns með tölvupósti. Í svörunum segir að hann, ásamt viðskiptafélögum sínum, hafi verið reiðubúinn að greiða skuld sína við bankann að fullu í tilboði sem þeir sendu bankanum haustið 2009. Þá hafi bankanum verið boðin eingreiðsla upp á 10 milljarða og skuldbreyting á lánum til 7 ára með tveggja prósenta vöxtum. Síðan þetta tilboð var sent hafi bankinn dregið þá á ansnaeyrunum og þeir vart virtir viðlits. Höskuldur H. Ólafsson, forstjóri Arion banka hafi augljóslega viljað losna við sig og sína fjölskyldu úr félaginu." (rúv)

Fagna skal því að Arion banki hefur loksins tekið af skarið  í átt að eðlilegu uppgjöri við fjárglæframanninn og að því er virðist siðblinda kaupmanninn Jón Ásgeir Jóhannesson.

 


mbl.is Arion selur 34% í Högum
Tilkynna um óviðeigandi tengingu við frétt

Icesave

Hvað eigum við að halda - hverju/hverjum eigum við að trúa?

Er ekki kominn tími til að gera eitthvað í þessu andstyggilega Icesvae máli?

Ekki getum við búið við svefnlausa tilveru hafandi áhyggjur af þessu viðbjóðslega Icesave máli.

Við vitum að þegar kemur að uppgjöri þessa máls mun réttlætið sigra.

Stórþjóðirnar Holland og Bretland munu eiga eftir að sitja uppi með skömmina.

Við munum fá okkar tækifæri til að fara í mál við þessar tvær þjóðir sem  þykjast geta heimtað greiðslu frá íslenskum almenningi  Og það fyrir heimskuna í þeim sjálfum - já og græðgina.

Ég tel rétt að taka undir með Bjarna formanni Benediktssyni .

Og mig langar afar mikið til að losna við þessar sífelldu árásir og misnotkun á síðum Mogga, sem við áskrifendur/lesendur sjáum daglega.  Það er bókstaflega hraunað yfir Bjarna Benediktsson formann Sjálfstæðisflokksins alla daga nú um stundir.


Mubarak situr sem fastast.

Kemur sennilega fáum á óvart þessi ákvörðun forsetans.  Það má segja sem er að enginn veit hvað við tekur þegar þessi maður sleppir tökunum.  Eitt er víst að almenningur í landinu býr við bágborin kjör.  Ferðamenn eru í hættu eins og hefur sýnt sig.  Hermenn fylgja rútum með ferðamönnum og lögreglumenn eru allsstaðar.  Dugir ekki allaf til. 

Tilfinningin er að Mubaraks tími sé liðinn!

Hér á Ísalandinu eru hjú sem segja má að hafi lokið sínum tíma en þau bara skilja það ekki ennþá.


mbl.is Mubarak segir ekki af sér
Tilkynna um óviðeigandi tengingu við frétt

Er ekki kominn tími til að hætta?

Vonast til að Jón komi til "starfa".  Er það ekki bara alveg vonlaust.  Hann mætir sennilega aftur í Ráðhúsið en til hvers?  Jón Gnarr í bleikum fötum.  Skemmtikraftur góður, ömurlegur sem borgarstjóri.


mbl.is Borgarstjóri á spítala
Tilkynna um óviðeigandi tengingu við frétt

Hryllingur - 100 högg með bambusstaf

Með ólíkindum hve ruddaskapur gagnvart konum og stúlkubörnum er látinn viðgangast  meðal múslima.  Þessi hjartans litla stúlka, aðeins fjórtán ára gömul er sögð hafa átt í  ástarsambandi við frænda sinn, giftan mann.  Hún sagði aftur á móti að hann hefði nauðgað sér. 

Hver ætli hafi gengið úr skugga um hvort sagði satt? 

Fyrirlitning á konum er viðvarandi  í múslimaþjóðfélögum hvort sem menn vilja viðurkenna það eða ekki.

Línpokinn sem menn kalla búrku er eitt formið þeirrar fyrirlitningar.  Pokadrusla sem er notuð  til að auðmýkja og niðurlægja konur.


mbl.is Handteknir fyrir að hýða stúlku til dauða
Tilkynna um óviðeigandi tengingu við frétt

Andvana ríkisstjórn bruðlar samt..

Í sannleika sagt  þá er ég orðin uppgefin bæði andlega og líkamlega á þessu ástandi sem við landarnir búum við.  Það segir sína sögu að ég hef ekki fengið mig til að skrifa eitt orð í margar vikur.

Nú hefur farsinn um stjórnlagaþingið leyst úr læðingi einhverja þörf til að láta leturborðið vinna verkin sín.

Erfitt að sleppa því að segja:  hvað sagði ég ekki  .. hér heima við eldhúsborðið .. eins og meirihluti landa minna hefur vafalítið gert.

Þetta óðagot og fum og fát og algjörlega út út öllu sem nefna má skynsemi.  Hvers vegna að drepa á dreif því sem þarf að gera með þessu dýra dæmi.

Til hvers kjósum við 63 þingmenn nema til að taka slíkt verkefni sem þetta meðal annarra verkefna. Menn tala um þingmenn okkar eins og þeim komi þetta verkefni nánst ekki við.  Hvers konar vitleysa er í gangi meðal minnihluta þjóðarinnar.  Og þar með talin er ríkisstjórnin svokallaða.

Þessi hugsanagangur er gjörsamlega fáránlegur.  Að vilja stofna til 25 manna nefndar til að vinna það sem ætti að vera verkefni þingmanna okkar og hana nú! Þeir eru á launum og mega gjarnan vinna fyrir þeim m.a. með þessu.

Og á sama tíma og þetta andstyggðar bruðl er viðhaft fyrir framan augu okkar þá vefst ekki fyrir þessu fólki að hækka skatta og gjöld nánast allasstaðar. 

Hvað þetta þreytir sálina.  Allt bullið sem er í gangi.  Engin úrræði sem við sjáum taka á sig efnilega og spræka mynd.

Eitt jákvætt verður að fljóta með:  Landið er fagurt og frítt !


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband